નાઇલને કિનારેથી….

સમૃદ્ધિ…..વિચારોથી, વાણીથી, વર્તનથી, અનુભવથી!

Tag Archives: લંડન

યું કી…બાત હૈ…યુ.કે. કી

ગઈકાલે અમારા સૈય્યેદના સાહેબની ૧૦૨મી વર્ષની વર્ષગાંઠના સેલિબ્રેશન માટે અહીંના અમારા યુથ-ગ્રુપે એક પ્રહસન (સ્કીટ)ના પ્રોગ્રામનું આયોજન કર્યું. જેમાં મારા ભાગે | માન્ચેસ્ટર (યુ.કે)થી આવતા હોય એવા મન્નુભાઈ માસ્તર | નું એક અનોખું પાત્ર ભજવવાની જવાબદારી આવી.

સ્કૂલ અને કોલેજના દિવસોમાં કરેલા કેટલાંક નાટકોના દિવસો જાણે મને પાછાં મળ્યા. માત્ર ૩ જ દિવસમાં સ્ક્રિપ્ટની તૈયારી, બ્રિટીશ- ગુજરાતી પહેરવેશ ધારણ કરી મુર્તઝાને ‘મન્નુભાઈ માસ્તર’માં ટ્રાન્સફોર્મ કરવાનો, સ્ટેજ પર સતેજ રહી, હાથમાં દાંડિયા લઇ મન્નુને ફન્ની કરી ડાયલોગ્સ ડિલીવર કરવાનો અનુભવ અદભૂત રહ્યો.

‘જેનો અંત સારો, પછી બધું જ સારું ગણાય’ એમ આખો શો હીટ અને હોટ રહ્યો.

મોડી રાતે ઘરે પાછો ફર્યો ત્યારે આંખનો થોડો થાક ઉતારવા ફેસબૂકના માત્ર કેટલાંક સ્ટેટસ પર આછી નજર ફેરવી. અને ત્યાં જ ક્રિયેટિવ કવિ શ્રી પંચમભાઈ શુક્લનો લંડન થી (એ પણ યુ.કે.!!!) એક મેસેજ ચમક્યો.

“મુર્તઝાભાઈ, તમારું એક કાવ્ય અહીંના અમારા એક મેગેઝિન ‘ઓપિનિયન’માં આ મહિનાના અંકમાં પબ્લિશ કરવામાં આવ્યું છે.”

યુ.કેના વર્ચ્યુઅલ મન્નુ માસ્તરનો થાક યુ.કેના જ એક્ચ્યુઅલ ગુજ્જુ ‘પંચમદા’ એ સેકન્ડ્સમાં ઉતારી ‘નાઈખો બાપલ્યા!’

૨૦૧૧માં જુલાઈના એક દિવસે સતત ૪ કલાક આખી રાત જાગી લેખને બદલે આ કાવ્ય લખ્યુંતું ત્યારે ખબર ન હતી કે એનો ‘ઓપિનિયન’ મને આ રીતે લેખે લાગશે ! મુ. વિપુલભાઈ કલ્યાણી અને પંચમભાઈ શુક્લ, આપનો હાર્દિક આભાર.

તમારામાં રહેલો કોઈક એવો કલાકાર છે જે વર્ષોથી સૂતેલો હોય?- જો મોકો મળે તો તક ખોળી ક્યારેક જગાડી દેજો. આમાં કલાકો નહિ માત્ર એક ક્ષણ કાફી છે.

સુખી તો દરેકને થવું હોય છે. પણ એ તો જાતે ખુશ થઇ ‘મેળવવી’ પડે છે….સાથીઓને સથવારે !

| ગમ ભુલાનેકે લીયે મૈ તો ચ્યુંઈંગગમ લીયે જાઉંગા ! |

એ ભાઈનું નામ જ બેન છે.  મી. બેન વિલ્સન.

( એમને મેં પૂછ્યું તો નથી પણ) શક્ય છે એના પેરેન્ટ્સ તરફથી એને પીંછી-રંગો નહિ મળ્યા હોય એટલે એવો ગમ ભૂલાવવા બેન બાપુએ નવી ક્રિયેટિવિટી શોધી કાઢી હશે.

લંડનના રસ્તા પર જ્યારે જ્યારે કોઈએ ચ્યુંઈંગગમ ખાઈને ચીટકાવી દીધી હોય કે ફેંકી દીધી હોય તેને આ બેન આર્ટનું સ્વરૂપ આપી દે છે. એક પેઈન્ટર તરીકે તેમાં રંગીન ભાત ઉપસાવી દે છે.

૨૦૦૪થી શરુ કરેલી આ મુવમેન્ટમાં તેણે અત્યાર સુધી લગભગ દસ હજાર ઉપરાંત ભાતો ઉપસાવી દીધી છે.

સામાજિક સંદેશો ફેલાવવા લંડનની રોયલ સોસાયટી ઓફ કેમેસ્ટ્રીએ તેમને આ કામ થકી વળતર આપી નોકરીએ રાખી દીધો છે.

* ગમને પાસે રાખી ભાત ઉપસાવી,
* દાળ-‘ભાત’ મેળવી,
* ગમ દૂર કરવો….

તે આનું નામ! (આ પણ એક વધારાની ક્રિયેટિવિટી થઇ ને?)

મારા ભારે મનવાળા દોસ્તો, કોઈ કામ હલકું નથી હોતું. બસ ! એની પાછળ રહેલી નિયત હલકી થઇ ચીટકી ન થાય એ જરૂરી છે.

લ્યો ત્યારે હવે આ તેની રંગીન ફિલ્મ-ક્લિપ પણ જોઈ લ્યો…

The Chewing Gum Man from Ed Emsley on Vimeo.

“….હાર કર ભી જીતનેવાલેકો ‘બાઝીગર’ ક્યોં કહેતે હૈ?”

“….હાર કર ભી જીતનેવાલેકો ‘બાઝીગર’ ક્યોં કહેતે હૈ?”

એનું ઉદાહરણ જોવું હોય તો અમેરિકાનું નામ મુકવું જ પડે. જો કે મેં એમાં બહુ લાંબુ રિસર્ચ નથી કર્યું. પણ લાંબા સમયથી થતું આવતું ગૂગલ સર્ચ આ બાબતની ઘણી સાક્ષીઓ પૂરી શકે છે. જેમ કે..

• સપ્ટેમ્બર ૧૧ની ઘટના પછી પણ..પહેલા કરતા વધારે ઊંચું, મજબૂત વર્લ્ડ ટ્રેડ સેન્ટર (દુબઈના બુર્જ અલ ખલીફાને ટક્કર આપી) રેકોર્ડ કાયમ કરવા જઈ રહ્યું છે. દુનિયાને તે એમ જણાવે છે કે “કોઈ અમારાથી ઊંચું કોઈ બીજું જઈ જ કેમ શકે?!?!”

• ચેસમાં વર્લ્ડ-ચેમ્પિયન આપણો વિશ્વનાથ આનંદ અને રશિયાનો ગેરી કાસ્પારોવ શિરમોર છે. પણ.. અમેરીકુ તેના ક્લાસિક ‘બોબી ફીશર’ને બેન્ચમાર્ક બનાવી માર્કેટિંગની ઉંધી ચાલ ચાલવામાં પણ પાછળ પડતું નથી.

• ગોલ્ફમાં ઇંગ્લેન્ડના જસ્ટિન રોઝથી ચેમ્પિયનશીપનો ‘ખાડો પૂરાયો’ છે. પણ…દુનિયા ઓળખે છે કોને?….એના ટાઈગર વૂડ્ઝને..અને (હવે હંટર મહાનને) જ સ્તો. પછી બીજાં જાય ‘ગબી’માં!!!

• જોઈ લો સ્વીમિંગમાં…જર્મનીના પોલ બેઇડર્મેનનું નામ સાંભળ્યું છે? યા પછી સાઉથ આફ્રિકાના કેમેરુન બર્ગ વિશે જાણો છો?- ક્યાંથી જાણો સાહેબ?- એની આગળ અમેરિકાના માઈકલ ફેલ્પ્સ અને રાયન લોક્થ પોતાની આગવી સ્ટાઈલથી આગળ ઉ(તરી) ચુક્યા છે.

• ચાલો આવો હવે ઈન્ટરનેટની દુનિયામાં ને પૂછો સવાલ કે “ઈન્ટરનેટનો પિતા કોણ છે?- આમ જવાબ આપો કે ઇંગ્લેન્ડના ‘ટીમ બર્નર્સ લી’… તો કદાચ કોઈ માર્ક્સ નહિ કપાય. પણ અમેરિકામાં હોવ ને તેમ જવાબ આપો કે ‘વિન્ટ સર્ફ’ (વિન્ટેન ગ્રે સર્ફ). તો પૈસા પાછા (કોઈ આપવાનું નથી…). તમે ગૂગલ પર જ (Father of the Internet) લખી જુઓ ને. યેહ અમેરિ કા જવાબ હૈ!..બાબુ!

• અને હવે આજે જ એક લેટેસ્ટ ઉદાહરણ મળી આવ્યું છે. આ વખતની લંડન ઓલિમ્પિકમાં દોડમાં જમૈકાના ઉસૈન બોલ્ટે અમેરિકાના માઈકલ જોહનસન અને કાર્લ લુઈસના બધાંજ રેકોર્ડઝને પોતાના પગતળે કચડી (અમૂલના કહેવા મૂજબ) આખી દુનિયાની ‘બોલ્ટી’ બંધ કરી દીધી છે.. જેનાથી અમેરિકાની તો જાણે ‘વાટ’ લાગી ગઈ.

કાંઈ કરી ના શકે પણ કાંકરીચાળો કરી શકાય એ બહાને તેણે મીડિયા દ્વારા ચારેબાજુથી ઉસૈન પર ‘ડમ્પિંગ ટેસ્ટ’ના માછલાં વાળું પાણી વરસાવવામાં તો આવ્યું છે. (આખરે ઉસૈને ગુસ્સામાં એમ કહ્યું કે આ સિદ્ધિ મળ્યા છતાં આવા વર્તન બદલ મને કાર્લ લુઈસ પરથી માન ઉતરી ગયું છે.)

આ દોડનો બદલો લેવા…(DARPA સંસ્થાએ) હવે માણસ તો નહિ પણ એક રોબોટ ચિત્તાને ‘ઉસૈન કરતા પણ ફાસ્ટેસ્ટ ભાગી શકે એવો દોડવીર’ નામે બનાવીને મીડિયામાં ફરી પાછી પોતાની ચિત્તાગરી બતાવી દીધી છે.

જોઈ લ્યો એ ટાઈટલ સાથે રોબોટનો દોડતો વિડીયો: 

લો કલ્લો બાઆઆત! …..પેલા ક્વોટની જેમ ‘ક્યારેય હાર ન માનવી’ નામનું સૂત્ર આ માનવીઓ ખરું અપનાવે છે!

અહીં તો કેટલાંક અવળચંડાઓને સાનિયા મિર્ઝાના પરફોર્મન્સને બદલે હાથમાં ન લીધેલો ઝંડો વધારે દેખાય છે. યા પછી સોનિયા નહેવાલને સચિને મોંઘી કાર ભેંટ આપી ને મેરી કોમને ફદફદીયુ ય ના મળ્યું એવી અર્થહીન ચર્ચાઓથી ફેસબૂક પર ટાઈમ પસાર કરવો છે.

આવું એટલા માટે કે…આપણને ગુલામગીરીની ‘સાઈકલ’ વધારે માફક આવી ગઈ છે. ને લિડર’શીપ’ના વહાણમાં કાણું રાખવું ગમે છે.

હારીએ તોયે …જીતનો ‘હાર’ પહેરતા રહી સાચી ‘બોન પૈણાઈ’ નાખવાનું આપણે ક્યારે શીખીશું?

લેટ્સ ગો યાઆઆમ!….